eterum inter tumultum cum forte paropsis argentea excidisset et puer iacentem sustulisset, animadvertit Trimalchio colaphisque puniri puerum ac proicere rursus paropsidem iussit. Insecutus est supellecticarius argentumque inter reliqua purgamenta scopis coepit everrere.
Advenerunt ministri ac toralia praeposuerunt toris, in quibus retia erant picta venatoresque cum venabulis et totus venationis apparatus. Nesciebamus adhuc, quo mitteremus suspiciones nostras, cum extra triclinium clamor sublatus est ingens, et ecce canes Laconici etiam circa mensam discurrere coeperunt. Secutum est hos repositorium, in quo positus erat
